गेहुंआ धोवाये लागल

घरे घरे गीतिया गवाये लागल,
गेहुंआ धोवाये लागल-०३
घर अंगना सगरो लीपाये लागल,
सुपली धोवाये लागल-०३
अरघिया ला पोखरा खनाये लागल,
घटवा रंगाये लागल-०३

होला कठिन बड़ी छठ के परबिया,
तीन दिन भूखे तिवई देवेली अरघिया,

होला कठिन बड़ी छठ के परबिया,
तीन दिन भूखल तिवई देवेली अरघिया,
कोहरो घर कलशा गढ़ाये लागल,
उखिया कटाये लागल-०३
घरे घरे गीतिया गवाये लागल,
गेहुंआ धोवाये लागल-०३

और इस भजन को भी देखें: धनिया हमार नया बाड़ी हो

घटिया पर जुटे ओही दिन पूरा जहान हो,
देखी के नजारा लागे स्वर्ग समान हो,

घटिया पर जुटे ओही दिन पूरा जहान हो,
देखी के नजारा लागे स्वर्ग समान हो,
अनुपमा के गीतिया सुनाये लागल,
घटिया सोहाये लागल-०३
घरे घरे गीतिया गवाये लागल,
गेहुंआ धोवाये लागल-०३