किरपा तेरी है सरकार मेरो मौज करे परिवार

किरपा तेरी है सरकार, मेरो मौज करै परिवार.. किरपा तेरी है
बणी रहवै या किरपा हमेशा, बण्यो रहवै तेरो प्यार.. किरपा तेरी है

1.. के जाणु तनै टाबरिया की, कुणसी सेवा मन भागी
छप्पर फाड़ के देवै है तू.. दिल से तेरो आभार.. किरपा तेरी है

2.. तेरी किरपा सै म्हारी गाड़ी, झटपट झटपट भाग रही
जे तेरी किरपा ना होती.. जीवन थो बेकार.. किरपा तेरी है

3.. घर का सारा टाबरियां कै, सिर पर हाथ धरयौ रखज्यो
जद भी जनमूं राखज्यो मनै.. थारो सेवादार.. किरपा तेरी है

4.. रोटयां का देवाळ हो थे और, थे ही म्हारा रखवाळा
भग्ति को फळ मिलग्यो म्हानै.. दिन्यो जनम सुधार.. किरपा तेरी है

5.. म्हारी अगली पीढ़ी पर भी, तेरी किरपा बणी रहवै
भग्तां के संग अम्बरीष मांगे.. तेरो ही दरबार.. किरपा तेरी है