छठ के परबिया सुहावन

की अगे माई कवन भईया घटिया सजावेले हे,
अगे माई बड़का भईया घटिया सजावेले हे,
अब छोटका भईया जाई के बाजार उखिया ले आवेले हे-०२
अगे माई छठ के परबिया सुहावन हे-०२

अगे माई कवन भौजी ठेकुआ बनावेली हे,
अगे माई बड़की भौजी ठेकुआ बनावेली हे,
अब मंझली भौजी धोवे दउरा डाल बहँगी सजावेली हे-०२
अगे माई छठ के परबिया सुहावन हे-०२

और इसे भी देखे: पहिला बेर कइनी हम परबवा छठी मैया

अगे माई कवन भईया पियरी झमकावेले हे,
अगे माई अमृत भईया पियरी झमकावेले हे,
अब पंकज भईया बनले कहार बहँगी पहुँचावेले हे-०२
अगे माई छठ के परबिया सुहावन हे-०२

की अगे माई कवन बिटिया छठ गीत गावेली हे,
अगे माई अनु बिटिया छठ गीत गावेली हे,
अब अनीता तिवई जोड़े दुनो हाथ आदित्य मानवेली हे-०२
अगे माई छठ के परबिया सुहावन हे-०३