छठ हमहुँ करब

रउआ से पुछिले सुनी ए सजनवा जी, बोलअ,
हमरा के देहीं बतलाई जी, ए जी हमरा के देहीं बतलाई जी,
पूछअ,
छठ के व्रत से कवन सुखवा मिलेला हो-०२
हमरा के देहीं समझाई जी, ए जी हमरा के देहीं समझाई जी,
ए जी हमरा के देहीं समझाई जी, ए जी हमरा के देहीं समझाई जी,
सुनअ ए सजनी आज हमरो वचनिया जी, हां बोलीं
सुनअ ए सजनी आज हमरो वचनिया जी,
छठी के महिमा सुनाईं जी, ए जी छठी के महिमा सुनाईं जी,
हां हां रउआ सुनाईं,
छठ के व्रत से सुहाग सुखवा मिलेला हो-०२
सेनूरा माई अमर बनाई जी, ए जी हमरा के देहीं समझाई जी।

हमहुँ जे करब सइयाँ छठ के व्रतिया,
इ तोहसे ना होइ, जिद काहे कर ताड़ु ,
छठी के पूजन से बनाइब किस्मतिया,
हाँ धनिया छठी माई के कठिन व्रतिया, अच्छा,
हां तीन दिन के सहाई न सासतीया,
चिंता ना करीं भले करम व्रतिया जी,
व्रत के विधि दीं बताई जी, हां ए जी व्रत के विधि दीं बताई जी,
जा के बजारिया से सुनी ए सजनवा जी,
पूजा के सामान दीं ले आई जी, ए जी पूजा के सामान दीं ले आई जी।

और इस भजन को भी देखें: सजे लागल घाट

चौथी नहाय खाय पंचमी के खरना,
षष्ट्मी के सहीहा सप्तमी के करीहा परना,
बुझा ता नु,
की संतोष रौशनी से भजन गवाईब,
ओ के,
मन के सोचल सपना पुराइब,
विधि विधानवा से करिहा पुजनवा जी,
माई दिहे गोदिया भराई जी,
ए धनिया माई दिहे गोदिया भराई जी,
खुश होइहें मनवा धनी पाइभु अन्न धनवा जी,
छठी माई के कृपा हो जाई जी, ए जी छठी माई के कृपा हो जाई जी,
ठीक कहा तानी रउआ,
छठ के व्रत से कवन सुखवा मिलेला हो,
हमरा के देहीं समझाई जी, ए जी हमरा के देहीं समझाई जी।