कहमां से आइल झालर धनमा

कहमां से आइल झालर धनमा कहमां से आइल जोड़े पान,
कहमा से आइल नारियल फलवा कहमा से आइल सब समान।
कुरखेत से आइल फालर धनमा कुरखेत से आइल जोड़े पान,
मदनपुर से आइल नारियल फलवा मदनपुर से आइल सब समान।
किया काम देतई झालर धनमा किया काम देतई जोड़े पान किया,
काम देतई नारियल फलवा किया काम अइतई सब सामान।
खीरीया बनइवई झालर धनमा अरग दिअव जोडे पान
अरग दिअव नारियल फलवा अरग दिहव सब सामान।
अरग देइते सुरुज पूछलन हमरी दिलवा के बात।
हांथ जोड़ी कयली अरजीया सुनु सुरुज मनमा के बात।
अन धन सम्पति सुरुज दिह रखीह कुलवा के लाज।
सिर के सेन्दुर अमर रखीह गोदीया में खेलत रहे नन्दलाल।