तिवई पुकारे देव जल्दी से आवा

ऐ हो सुरुजमल तिवई पुकारे देव जल्दी से आवs
दरश देखावs ऐ सुरुज मल
ऐ हो सुरुजमल तिवई पुकारे देव जल्दी से आवs !
दरश देखावs ऐ सुरुज मल !!
तिवई पुकारे देव जल्दी से आवs
दरश देखावs ऐ सुरुज मल

लेई कलसूपवा पुकारेले बँझिनिया
मांगले अँचरवा में मुन्ना एगो मुनिया
लेई कलसूपवा पुकारेले बँझिनिया
मांगले अँचरवा में मुन्ना एगो मुनिया
देई दs आशीष देव पड़ेले चरनिया
हो पड़ेले चरनिया
ऐ हो आदितमल तोहरे सहारे देव चलता ई दुनिया
जिया हरसावs ऐ आदित मल
ऐ हो आदितमल तोहरे सहारे देव चलता ई दुनिया !
जिया हरसावs ऐ आदित मल !!

लेई डाला डलिया हो कोढ़िया पुकारे
आसरा में बाटे आदित तोहरे सहारे
लेई डाला डलिया हो कोढ़िया पुकारे
आसरा में बाटे आदित तोहरे सहारे
सोबरन कs दs काया नदिया किनारे
हो नदिया किनारे
ऐ हो सुरुजमल केलवा के पात पर जल्दी से आवs
शरधा पुरावs ऐ सुरुज मल
ऐ हो सुरुजमल केलवा के पात पर जल्दी से आवs !
शरधा पुरावs ऐ सुरुज मल !!

जोड़े जोड़े फलवा लेई बोलावे पवनवा
पुरुब दिशा में लागल सबके ध्यनवा
जोड़े जोड़े फलवा लेई बोलावे पवनवा
पुरुब दिशा में लागल सबके ध्यनवा
जल्दी से आजा देव देवे दर्शनवा
हो देवे दर्शनवा
ऐ हो आदितमल हमनी के घाट पर जल्दी से आवs
दरश देखावs ऐ आदितमल
ऐ हो दीनानाथ हमनी के घाट पर जल्दी से आवs
दरश देखावs ऐ दीनानाथ