रंग बाँकों साँवरिया डार गयो री

रंग बाँकों साँवरिया डार गयो री,
डार गयो री, रंग डार गयो री,
रंग बाँकों साँवरिया डार गयो री।।

सारी सुरंग रंग जरतारी,
सारी सुरंग रंग जरतारी,
हो, भर पिचकारी, मार गयो री,
हो मोपे, भर पिचकारी मार गयो री,
रंग बाँकों साँवरिया डार गयो री,
रंग बाँकों साँवरिया डार गयो री,

बइयाँ पकर मोहे झकझोरी,
हो झटक चुनरिया फार गयो री,
ओ मेरी, झटक चुनरिया फार गयो री,
रंग बाँकों साँवरिया डार गयो री,
रंग बाँकों साँवरिया डार गयो री।।

दृगन अबीर गुलाल गाल मल,
हँस हॅंस सैन चलाय गयो री,
ओ वो तो, हँस हँस सैन चलाय गयो री,
रंग बाँकों साँवरिया डार गयो री,
रंग बाँकों साँवरिया डार गयो री।।