छठ करब हम जरूर

तीन दिन के कठिन बरतिया,
छठी मैया करब हम जरूर-०२
भलहीं न साथ दीं शरीरिया,
छठ करब हम जरूर,
छठी मैया करब हम जरूर।

तीन दिन के कठिन बरतिया,
छठी मैया करब हम जरूर-०२

गेहुआं पिसाई हम ठेकुआ बनाइब,
जोड़े जोड़े फलवा से दौरा सजाइब,
एको कमी नाहीं रही, सुन ल हो मैया,
तीनो बेरा श्रद्धा से बरत हम निभाईव,
तुहीं दिहअ भूखी के हिम्मतिया,
छठ करब हम जरूर-०२

दुनो बेरा अरघ लेके करब इंतजार हो,
सुरुज देव तब करीहें बरत स्वीकार हो,
घटिया बहारी हम तोहके अगोरी,
तोहरी सेवा में आई पूरा परिवार हो,
सबके तू दिहअ आशिषिया,
छठ करब हम जरूर-०२

और इसे भी देखें: सजे लागल घाट

कृपा से होलअ बिहार में जनम हो,
पिछला जनम के कउनो होलअ इ करम हो,
जबले जियब माई बरत हम करब,
कबहुँ ना छूटी हमसे छठ के बरत हो,
बस रखिहअ हमनी पर नजरिया,
छठ करब हम जरूर-०२
तीन दिन के कठिन बरतिया,
छठी मैया करब हम जरूर-०२
भलहीं न साथ दीं शरीरिया,
छठ करब हम जरूर-०२