पटना के हाट पर नरियर

पटना के हाट पर नरियर,
नरियर किनबे जरूर, नरियर किनबे जरूर
हाजीपुर केरवा बेसहके,
अरघ देबे जरूर, अरघ देबे जरूर
आदित्य मनाय छठ करबे,
वर मँगबे जरूर, वर मँगबे जरूर।

पांच पुत्र अन्न धन्न लक्ष्मी,
लक्ष्मी मँगबे जरूर, लक्ष्मी मँगबे जरूर
पान सोपाड़ी कचवनिया,
छठ पूजबे जरूर, छठ पूजबे जरूर
हियवा के करबो रे कंचन,
वर मँगबे जरूर, वर मँगबे जरूर।

पुआ पकवान कचवनिये,
सूपवा भरबे जरूर, सूपवा भरबे जरूर
फल फूल भरबे दउरिया,
सेनूरा टिकबे जरूर, सेनूरा टिकबे जरूर
पटना के हाट पर नरियर,
नरियर किनबे जरूर, छठ करबे जरूर
नरियर किनबे जरूर, छठ करबे जरूर
नरियर किनबे जरूर,छठ करबे जरूर।